Almatyda quny 32,5 mlrd teńge bolatyn «Zhetysu» kólik-logistikalyq ortalyǵyn salý jobasy jer ýchaskesiniń nysanaly maqsatyn ózgertý máselesine bailanysty belgilengen merzimnen keshigýi múmkin bolǵan. Prokýratýranyń aralasýynan keiin másele sheshildi, dep habarlaidy dalanews.kz.
Jobany «Qazaqstan temir joly» UK» AQ-men birlesip «Kazakh-Chinese Trade and Logistics Company (Almaty) Ltd.» jeke kompaniiasy júzege asyryp jatyr. Joba aiasynda 130 jumys ornyn ashý josparlanǵan.
Investor jer ýchaskesiniń nysanaly maqsatyn ýaqytynda ózgerte almaǵan. Sonyń saldarynan joba memlekettik saraptamadan óte almai, ony iske asyrý merzimderine qaýip tóngen.
Máseleni sheshý úshin Almaty qalasynyń prokýratýrasy prokýrorlyq súiemeldeý júrgizip, tiisti sharalar qabyldady.
Nátijesinde investor jerdiń nysanaly maqsatyn ózgertý týraly qaýly alǵan. Bul kompaniiaǵa investitsiialyq jobany ári qarai iske asyrýǵa múmkindik berdi.
Almaty prokýratýrasy qaladaǵy investitsiialyq jobalardyń júzege asyrylýyna jáne investorlardyń quqyqtarynyń saqtalýyna qatysty jumysty jalǵastyratynyn málimdedi.
