Almaty oblysyndaǵy dala órtin sóndirýge aviatsiia jumyldyryldy, dep habarlaidy dalanews.kz.
Eńbekshiqazaq aýdanynda, Báidibek bi aýylynan 10 shaqyrym jerde ornalasqan Baqtiiar sai shatqalynda memlekettik jer qory aýmaǵyndaǵy qurǵaq shóp janǵan.
Órtti sóndirý jumystaryn Almaty oblysy TJD bastyǵy, polkovnik Dáýren Orazbekov úilestirip jatyr.
Órtti joiýǵa TJD, jergilikti atqarýshy organdar men orman sharýashylyǵynyń 70 qyzmetkeri, 15 tehnikasy, sondai-aq, TJM "Qazaviaqutqarý" aviatsiiasy jumyldyryldy.
TJM aviatsiiasy jalpy kólemi 51 tonna bolatyn sý shashqan. Jumys barysy aptap ystyq pen jyldamdyǵy 4 m/s-qa deiin jetetin soltústik-batys jeli saldarynan kúrdelenip tur. Órtti sóndirý jumystary jalǵasyp jatyr.
