Almaty oblysynda zooqorǵaýshy Vladimir Tepliakovtyń ólimine qatysty kúdikti qolǵa tústi, dep habarlaidy dalanews.kz.
Politsiia málimetinshe, 7 qazanda er adamnyń qaza tabýyna bailanysty kisi óltirý deregi boiynsha qylmystyq is qozǵalǵan. Tergeý barysynda kúdiktiniń jeke basy anyqtalyp, ol jedel túrde ustaldy. Qazir kúdikti qamaýda otyr.
"Ustalǵan adamnyń kisi óltirý qylmysyna qatysy tekserilip jatyr. Oqiǵanyń barlyq mán-jaiyn anyqtaýǵa baǵyttalǵan tergeý amaldary júrgizilýde", – delingen politsiia habarlamasynda.
Eske salaiyq, buǵan deiin Almaty oblysynda qaraýsyz qalǵan janýarlardy qamqorlyǵyna alǵan "Dog House – Tvardovskii dom" panajaiynyń negizin qalaýshy Vladimir Tepliakovtyń kisi qolynan qaza tapqany habarlanǵan edi.
