Almaty oblysynda sintetikalyq esirtki óndirýmen jáne taratýmen ainalysqan transulttyq uiymdasqan qylmystyq toptyń jeti múshesine qatysty sot úkimi shyqty, dep habarlaidy dalanews.kz.
Qylmystyq ister jónindegi mamandandyrylǵan aýdanaralyq sottyń málimetinshe, sottalǵandardyń barlyǵy shetel azamattary.
Tergeý barysynda oblys prokýratýrasynyń úilestirýimen politsiia qyzmetkerleri úsh jasyryn esirtki zerthanasyn anyqtaǵan. Tintý kezinde zańsyz ainalymnan 90 keliden astam daiyn sintetikalyq psihotroptyq zat, bir tonnadan astam prekýrsor men túrli himiialyq komponent, sondai-aq esirtki daiyndaýǵa arnalǵan arnaiy qural-jabdyqtar tárkilengen.
Mamandardyń baǵalaýynsha, tárkilengen esirtkiniń "qara naryqtaǵy" quny 1,5 milliard teńgeden asady.
Sot otyrysynda memlekettik aiyptaýshy aiyptalýshylardyń kinásin dáleldeitin jetkilikti aiǵaqtardy usynǵan. Is materialdaryn jan-jaqty qaraǵan sot olardy kináli dep tanyp, 19 jyldan 20 jylǵa deiin bas bostandyǵynan aiyrý jazasyn taǵaiyndady.
Sonymen qatar sottalǵandarǵa tiesili úsh turǵyn úi men birneshe avtokólik memleket menshigine tárkilendi.
Quqyq qorǵaý organdarynyń málimetinshe, Almaty qalasy men Almaty oblysynyń aýmaǵynda sintetikalyq esirtki taratýmen ainalysqan uiymdasqan qylmystyq jeliniń qyzmeti tolyq toqtatylǵan.
Sot úkimi ázirge zańdy kúshine engen joq.
