Almaty oblysyndaǵy Baqtiiar sai shatqalynda shyqqan tabiǵi órt tolyqtai sóndirildi, dep habarlaidy dalanews.kz.
Memlekettik jer qory aýmaǵynda tutanǵan jalyn qurǵaq shópten bastalyp, jalpy 8 gektar jerdi sharpyǵan. Tilsiz jaýdy toqtatýǵa tótenshe jaǵdailar qyzmetiniń jáne orman sharýashylyǵynyń 70 mamany, sondai-aq, 15 tehnikasy jumyldyryldy.
Órtti sóndirý jumystaryna Tótenshe jaǵdailar ministrliginiń aviatsiiasy da tartyldy. 8 saǵattan asa ýaqyt ishinde órt tolyqtai sóndirildi.
Ministrliktiń málimetinshe, oqiǵadan zardap shekkender joq, sondai-aq, jaqyn mańdaǵy eldi mekenderge qaýip tónbegen.
"TJM aviatsiiasy jalpy kólemi 51 tonna bolatyn sý shashty. Jumys barysy kúnniń ystyǵy men jyldamdyǵy 4 metr sekýndqa jetetin soltústik-batys jeli saldarynan kúrdelendi. TJM bólimsheleri men jergilikti atqarýshy organdardyń úilesimdi is-qimyly nátijesinde órt sóndirildi", - dedi Almaty oblystyq TJD baspasóz qyzmetiniń mamany Aqtoty Aiatqyzy.
