Almaty oblysy PD kiberqylmysqa qarsy is-qimyl basqarmasynyń qyzmetkerleri kezekti internet-alaiaqtyqtyń aldyn aldy, dep habarlaidy dalanews.kz.
Kúdikti belsendilik týraly aqparat “Qazaqtelekom” AQ-men birlesip ázirlengen júie arqyly túsken. Kiberpolitsiia qyzmetkerleri dereý yqtimal jábirlenýshiniń jumys ornyna barǵan.
Alaiaqtardyń sózine sengen er adam olardyń barlyq nusqaýyn oryndaǵan. Qaskóiler ony ainalasyndaǵylardan oqshaýlanýǵa, jaqyndary men politsiia qyzmetkerleriniń qońyraýlaryna jaýap bermeýge, sondai-aq birneshe bankten nesie rásimdeýge kóndirgen. Osylaisha er adam is júzinde alaiaqtardyń turaqty psihologiialyq qysymynda bolǵan.
Politsiia qyzmetkerleri er adammen bailanysýǵa tyrysqanymen, ol tipti otbasy músheleriniń qońyraýlaryna da jaýap bermegen. Osydan keiin kiberpolitsiia qyzmetkerleri onyń jubaiy men balalaryn taýyp, jaǵdaidy túsindirgen. Týystaryna dereý bankterge habarlasyp, nesie rásimdeýge jasalǵan yqtimal áreket týraly habarlaý usynyldy. Nátijesinde bankter nesie berýden bas tartyp, bul iri kólemdegi qarjylyq shyǵynnyń aldyn alýǵa múmkindik berdi. Er adamnyń ózin politsiia qyzmetkerleri óndiristik baza aýmaǵynan tapqan. Oǵan jaǵdaidy birneshe ret túsindirýge tyrysqanymen, ol belgisiz adamdarǵa senýin jalǵastyryp, bastapqyda politsiia qyzmetkerlerine de, tipti óz ulyna da senbegen.
Tek er adam 13 million teńgeden astam nesie rásimdep, bul qarajatty alaiaqtarǵa berýge shaq qalǵanyn túsingennen keiin ǵana bolǵan jaǵdaidyń qanshalyqty mańyzdy ekenin uqqan. Bul jaǵdai qaskóilerdiń óz qurbandaryna qanshalyqty kúshti psihologiialyq yqpal ete alatynyn taǵy bir márte kórsetedi. Olar azamattardy jaqyndarynan jáne quqyq qorǵaý organdarynan oqshaýlap, ózderiniń barlyq nusqaýlaryn oryndaýǵa májbúrleidi. Politsiianyń atap ótýinshe, kúdikti qońyraýlardy jedel anyqtaý qylmysqa der kezinde aralasyp, onyń aldyn alýǵa múmkindik beredi. Tek bir táýliktiń ishinde Almaty oblysynda atalǵan júieniń jumysy nátijesinde internet-alaiaqtyqtyń 13 faktisiniń joly kesildi.
