Almaty oblysynyń Balqash aýdanynda politsiia qyzmetkeri adam qaǵyp ketti, dep habarlaidy dalanews.kz.
Qaiǵyly oqiǵa 16 mamyr kúni Qonaev – Baqanas tasjolynyń 84-shaqyrymynda tirkelgen. Málimetterge súiensek, aýdandyq politsiia bólimi bastyǵynyń orynbasary qyzmettik Hyundai Elantra kóligin basqarǵan.
Polites.news málimetinshe, kólik ishinde onyń jubaiy da bolǵan. Oqiǵa aldynda erli-zaiypty arasynda janjal shyqqany aitylady.
Tergeý nusqasyna sáikes, áiel adam jol ústinde otyrǵan. Júrgizýshi ony baiqamai qalyp, qaǵyp ketken. Áiel alǵan jaraqatynan oqiǵa ornynda kóz jumǵan.
Oqiǵa ornyna politsiia men prokýratýra qyzmetkerlerinen quralǵan jedel-tergeý toby barǵan.
Atalǵan derek boiynsha Qylmystyq kodekstiń 345-babynyń 3-bóligimen sotqa deiingi tergeý bastaldy. Sondai-aq qyzmettik kóliktiń jol paraǵy arqyly paidalanylǵany anyqtalǵan.
Qazir is boiynsha tergeý amaldary jalǵasyp jatyr.
