Almaty oblysynyń Qarasai aýdanyndaǵy aýyldardyń birinde er adam toǵyz jastaǵy qyz balaǵa qatysty zańsyz áreket jasady degen kúdikke ilindi, dep habarlaidy dalanews.kz.
Aldyn ala málimet boiynsha, kúdikti aldymen balany dúkenge ertip kirip, oǵan táttiler satyp ápergen. Keiin oqýshy qyz úiine qaityp bara jatqanda, onyń sońynan erip, ádepsiz áreketke barǵan.
Almaty oblysynyń politsiia departamenti atalǵan derek boiynsha qylmystyq is qozǵalǵanyn rastady. Is materialdary Sotqa deiingi tergep-tekserýdiń biryńǵai tizilimine tirkelip, tergeý Qarasai aýdandyq politsiia basqarmasynyń qyzmetkerlerine tapsyrylǵan.
Qazirgi ýaqytta tiisti saraptama taǵaiyndaldy. Onyń qorytyndysy shyqqannan keiin politsiia is boiynsha túpkilikti protsessýaldyq sheshim qabyldaidy.
