Almaty kópsalaly klinikalyq aýrýhanasynyń dárigerleri kúrdeli ota jasap, 35 jastaǵy áieldiń jatyryndaǵy alty isikti sátti alyp tastady, dep habarlaidy dalanews.kz.
Mamandar josparly kesar tiligi kezinde náresteni dúniege ákelip qana qoimai, jatyrdy saqtap qalýǵa múmkindik bergen operatsiiany qatar júrgizgen.
Dárigerlerdiń málimetinshe, jatyr miomasy áieldiń júktiliginiń alǵashqy kezeńinde anyqtalǵan. Soǵan qaramastan, ol júktilikti sátti kóterip, sábiin 37 aptaǵa deiin aman-esen jetkizgen.
Aldymen dúniege deni saý náreste kelgen. Odan keiin hirýrgter miomektomiia jasap, jatyrdaǵy alty túiindi alyp tastaǵan. Isikterdiń kólemi 4 santimetrden 10 santimetrge deiin jetken.
Ota kóleminiń kúrdeliligine qaramastan, dárigerler áieldiń jatyryn saqtap qaldy.
