Almaty oblysy Qarasai aýdany Kóksai aýylynda aýyr jol-kólik oqiǵasy boldy. Jábirlenýshilerdiń týystarynyń aitýynsha, Mercedes-Benz avtokóligin basqarǵan 24 jastaǵy qyz týǵan kún ótip jatqan úidiń aýlasyna kirip, dastarqan basynda otyrǵan adamdardy qaǵyp ketken, dep habarlaidy dalanews.kz.
Saldarynan eki áiel aýyr jaraqat aldy. Olardyń biriniń birneshe qabyrǵasy synǵan. Ekinshi áiel alǵan jaraqatynyń saldarynan aiaǵynan aiyrylǵan.
Almaty oblysynyń politsiia departamenti atalǵan derek boiynsha qylmystyq is qozǵalǵanyn habarlady. Aldyn ala málimetke sáikes, júrgizýshi kólikti basqara almai, eki jaiaý júrginshini qaǵyp ketken.
Kúdikti ýaqytsha ustaý izoliatoryna qamaldy. Qazir oqiǵanyń mán-jaiy anyqtalyp jatyr.
