Almaty oblysynda alty jasar balaǵa qan quiylǵannan keiin S gepatiti anyqtalǵan. Bul týraly balanyń ata-anasy málimdedi, dep habarlaidy dalanews.kz.
Balanyń ákesiniń KTK telearnasyna aitýynsha, oqiǵa otbasynyń Túrkiiaǵa saparynan keiin bastalǵan. Elden oralǵan soń balanyń qatty jóteli kúsheiip, dene qyzýy kóterilgen. Keiin murnynan qan ketip, ol shuǵyl túrde Almaty oblystyq balalar klinikalyq aýrýhanasyna jetkizilgen.
Dárigerler balaǵa immýndyq trombotsitopeniia diagnozyn qoiyp, qan quiǵan.
Keiin naýqas emin jalǵastyrý úshin Pediatriia jáne balalar hirýrgiiasy ǵylymi ortalyǵyna jiberilgen. Sol jerde júrgizilgen PTR (PTsR) taldaýy onyń S gepatitin juqtyrǵanyn kórsetken.
Balanyń ata-anasy infektsiia dál aýrýhanada qan quiý kezinde juqqan dep esepteidi. Osyǵan bailanysty ákesi isti baqylaýǵa alýdy surap, Prezident ákimshiligine júgingen.
Almaty oblystyq Densaýlyq saqtaý basqarmasy atalǵan derek boiynsha qyzmettik tekserý bastalǵanyn málimdedi.
