«Almaty – Bishkek» avtojolynyń Qaskeleń mańyndaǵy ýchaskesinde iri gabaritti jáne aýyr júk kólikteriniń qozǵalysyna ýaqytsha shekteý engiziledi, dep habarlaidy dalanews.kz.
Shekteý 2026 jylǵy 11 qyrkúiekten bastap respýblikalyq mańyzy bar avtojoldyń 25-shaqyrymynda qoldanylady. Bul kólik airyǵynyń monolitti aralyq qurylysyn ornatý jumystaryna bailanysty engizilmek.
Biiktigi 4,5 metrden jáne eni 8 metrden asatyn iri gabaritti jáne aýyr júk kólikteriniń qozǵalysyna qoiylǵan shekteý qurylys jumystary tolyq aiaqtalǵanǵa deiin, iaǵni 2026 jyldyń sońyna deiin jalǵasady.
Bul talap jeńil jáne jolaýshylar kóligine, sondai-aq belgilengen gabaritten aspaityn júk kólikterine qatysty emes.
Júrgizýshilerge marshrýtty aldyn ala josparlap, qajet bolǵan jaǵdaida balama baǵyttardy paidalaný usynylady. Jol qozǵalysyna qatysýshylardan ýaqytsha shekteýlerdi eskerip, jol belgileri men qaýipsizdik talaptaryn saqtaý suraldy.
