Almatynyń júiirik balalary jarysty
Jas júgirýshiler 200-500 metir jáne 3 shaqyrym qashyqtyqty eńserdi. 200 metr qashyqtyqqa júgirýden balalar arasynda Klim Efimenko jáne qyzdar arasynda Malika Shalekenova eń júirik atandy.
500 metrge júgirýden balalar arasynda Batyr Jumat jáne qyzdar arasynda Iaroslava Salagaeva birinishi orynǵa taban tiredi. Al 3 shaqyrymǵa júgirýden 10 minýt 54 sekýnd nátijesimen balalar arasynda Artemii Kýznetsov jáne qyzdar arasynda Karina Kankova 12 minýt 6 sekýnd nátijesimen jeńiske jetti.
– Kóptegen qatysýshylar úshin bul alǵashqy saiys boldy. Balalar oǵan erekshe yqylaspen qatysty. Barlyǵy joldan jańylǵan joq. Sportta eń bastysy tártip ekeni belgili. Búgin biz jas sportshylardyń muqiiat daiyndalǵanyn, jeńiske, maqsatqa – sońǵy márege jáne armandaǵan marapatqa jetýge umtylys baiqadyq, Balalaryna qoldaý kórsetip, olardy jarystarǵa ákeletin ata-analarǵa úlken alǵys! – dep "Almaty marafony" direktory Saltanat Qazybaeva qatysýshylarǵa rizashylyǵyn biddirdi.
“Búgin júgirýden jarysqa bizdiń ártister, olardyń arasynda meniń ulym – Maikl qatysty. Ol jaqynda ǵana 3 jasqa toldy”, – deidi elimizdiń eń tanymal tsirk ártisi jáne saiqymazaǵy Murat Muturǵanov.
– Men ózim biyl "Almaty marafonynda" 10 shaqyrym qashyqtyqqa júgirdim. Ata-analar balalaryna úlgi bolýy kerek dep esepteimin. Tek úlkenderge qarap, balalar fizikalyq jaǵynan damýǵa tyrysady. Men balalar aldynda jii óner kórsetemin. Sol sebepti olarǵa úlgi bolýym kerek. Júgirý – bul sporttyń biregei túri. Munda bireýdi jeńýge tyrysasyń, metr men shaqyrymdardy eńsere otyryp, birinshiden ózińdi jeńesiń. Bul ómirlik jaǵdailarda óte kómektesedi, – tsirk ártisi.
"Almaty marafonynyń" júgirýden kelesi jazǵy saiysy shildeniń 14-de ótedi. Sharada birneshe qashyqtyq, sonyń ishinde balalardyń 3 shaqyrym qashyqtyǵy da bolady. Sonymen birge, 1 shildede "Almaty marafonynyń" júzýden saiysy ótedi. Biyl "Almaty marafony" komandasy 20-dan astam sporttyq shara ótkizýdi josparlap otyr.
Jarys uiymdastyrýshylary – “Birinshi bolýǵa batyldyq” Korporativti qory, “World Class Almaty” fitnes-klýby jáne Akademik Shahmardan Esenov atyndaǵy ǵylymi-bilim berý qory.
