جاس جۇگىرۋشىلەر 200-500 مەتىر جانە 3 شاقىرىم قاشىقتىقتى ەڭسەردى. 200 مەتر قاشىقتىققا جۇگىرۋدەن بالالار اراسىندا كليم ەفيمەنكو جانە قىزدار اراسىندا ماليكا شالەكەنوۆا ەڭ جۇيرىك اتاندى.
500 مەترگە جۇگىرۋدەن بالالار اراسىندا باتىر جۇمات جانە قىزدار اراسىندا ياروسلاۆا سالاگايەۆا ءبىرىنىشى ورىنعا تابان تىرەدى. ال 3 شاقىرىمعا جۇگىرۋدەن 10 مينۋت 54 سەكۋند ناتيجەسىمەن بالالار اراسىندا ارتەميي كۋزنەسوۆ جانە قىزدار اراسىندا كارينا كانكوۆا 12 مينۋت 6 سەكۋند ناتيجەسىمەن جەڭىسكە جەتتى.
– كوپتەگەن قاتىسۋشىلار ءۇشىن بۇل العاشقى سايىس بولدى. بالالار وعان ەرەكشە ىقىلاسپەن قاتىستى. بارلىعى جولدان جاڭىلعان جوق. سپورتتا ەڭ باستىسى ءتارتىپ ەكەنى بەلگىلى. بۇگىن ءبىز جاس سپورتشىلاردىڭ مۇقيات دايىندالعانىن، جەڭىسكە، ماقساتقا – سوڭعى مارەگە جانە ارمانداعان ماراپاتقا جەتۋگە ۇمتىلىس بايقادىق، بالالارىنا قولداۋ كورسەتىپ، ولاردى جارىستارعا اكەلەتىن اتا-انالارعا ۇلكەن العىس! – دەپ "الماتى مارافونى" ديرەكتورى سالتانات قازىبايەۆا قاتىسۋشىلارعا ريزاشىلىعىن ءبىددىردى.
“بۇگىن جۇگىرۋدەن جارىسقا ءبىزدىڭ ارتىستەر، ولاردىڭ اراسىندا مەنىڭ ۇلىم – مايكل قاتىستى. ول جاقىندا عانا 3 جاسقا تولدى”، – دەيدى ەلىمىزدىڭ ەڭ تانىمال سيرك ءارتىسى جانە سايقىمازاعى مۇرات مۇتۇرعانوۆ.
– مەن ءوزىم بيىل "الماتى مارافونىندا" 10 شاقىرىم قاشىقتىققا جۇگىردىم. اتا-انالار بالالارىنا ۇلگى بولۋى كەرەك دەپ ەسەپتەيمىن. تەك ۇلكەندەرگە قاراپ، بالالار فيزيكالىق جاعىنان دامۋعا تىرىسادى. مەن بالالار الدىندا ءجيى ونەر كورسەتەمىن. سول سەبەپتى ولارعا ۇلگى بولۋىم كەرەك. جۇگىرۋ – بۇل سپورتتىڭ بىرەگەي ءتۇرى. مۇندا بىرەۋدى جەڭۋگە تىرىساسىڭ، مەتر مەن شاقىرىمداردى ەڭسەرە وتىرىپ، بىرىنشىدەن ءوزىڭدى جەڭەسىڭ. بۇل ومىرلىك جاعدايلاردا وتە كومەكتەسەدى، – سيرك ءارتىسى.
"الماتى مارافونىنىڭ" جۇگىرۋدەن كەلەسى جازعى سايىسى شىلدەنىڭ 14-دە وتەدى. شارادا بىرنەشە قاشىقتىق، سونىڭ ىشىندە بالالاردىڭ 3 شاقىرىم قاشىقتىعى دا بولادى. سونىمەن بىرگە، 1 شىلدەدە "الماتى مارافونىنىڭ" جۇزۋدەن سايىسى وتەدى. بيىل "الماتى مارافونى" كومانداسى 20-دان استام سپورتتىق شارا وتكىزۋدى جوسپارلاپ وتىر.
جارىس ۇيىمداستىرۋشىلارى – “ءبىرىنشى بولۋعا باتىلدىق” كورپوراتيۆتى قورى، “World Class Almaty” فيتنەس-كلۋبى جانە اكادەميك شاحماردان ەسەنوۆ اتىنداعى ءعىلىمي-بىلىم بەرۋ قورى.
