Biyl Almaty «Geo-Analytics.kz» innovatsiialyq jobasy úshin Tech-InnovaCity nominatsiiasy boiynsha syilyqtyń qola júldegeri atandy. Vellington (Jańa Zelandiia) altyn, Madrid (Ispaniia) jáne Los-Andjeles (AQSh) osy nominatsiiada kúmis júldeni aldy.
Baiqaýǵa 240 ótinim kelip tústi: innovatsiialyq sheshimderdi usynǵan qalalar ǵana emes, sonymen qatar biregei tehnologiialyq ónimderdi ázirlegen jeke kompaniialar da qatysty. Qazylar alqasy jobalardy úsh nominatsiia boiynsha baǵalady, olar: Tech-Innovaciy, Human-CentriCity jáne LLeadership.
«Aqyldy qala» syilyǵy Seýl basqaratyn WeGO halyqaralyq qaýymdastyǵynyń qoldaýymen ótedi. WeGO 160 qalany, 37-den astam joǵary tehnologiialyq kompaniialardy jáne qalalyq protsesterdi avtomattandyrý úshin innovatsiialardy damytýǵa jáne jasandy intellektti engizýge baǵyttalǵan 18 halyqaralyq zertteý uiymdaryn biriktiredi.
Anyqtama: Almatynyń «Geo-Analytics.kz» platformasy ózgerister tarihyn saqtai otyryp, naqty ýaqyt rejiminde túrli derekterdi biriktirýge qabiletti. Onyń 2020 jyly qurylýy Ovid-19 pandemiiasynyń qiyndyqtaryna jaýap boldy. Platforma qalalyq qyzmetterdiń tiimdiligin arttyrýǵa yqpal etti ári eń osal aimaqtardy qadaǵalady jáne virýstyń yqtimal taralý baǵyttaryn boljady.
Qazir «Geo-Analytics.kz» qalalyq derekterdi taldaýdyń ámbebap quralyna ainaldy. Barlyq kelip túsken aqparatty óńdei otyryp, júie mektepterdiń, HQKO-lardyń, balabaqshalardyń naqty qai jerde jetispeitinin kórsete alady, jol infraqurylymy júktemsine baǵa beredi, ataýly kómek kórsetý úshin shaǵyn jáne orta biznestiń belsendiligin baqylaidy. Platforma taldaýy biýdjetti tiimdi josparlaýǵa, qalalyq qyzmetterdiń jumysyn ońtailandyrýǵa jáne ózgeristerge jedel jaýap berýge múmkindik beretin depersonifitsirlengen derekterdi jinaidy.
