Almatylyq sheneýnikter samokatty kóringen jerge tastaityndarǵa qarsy aila tapty,- dep habarlaidy Dalanews.kz.
"KTK" telearnasy málimetinshe, Almatyda samokat qoiatyn arnaiy 10 oryn belgilengen. Tehnikany kóringen jerge tastap ketetindermen sheneýnikter osylai kúrespek. Tek arnaiy turaqtardyń naqty qashan iske qosylatyny belgisiz.
Eger jalǵa beretin kompaniialar samokatty jaqyn arada beiimdep úlgermese, turaqtar kóktemde iske qosylýy múmkin. Sebebi jol belgileri boiaý arqyly syzylady.
"Qazir elektrsamokat naryǵy, kikshering kompaniialardyń jumysy rettelmegen. Naqty normalar men erejeler jazylǵan bir de bir zań joq. Degenmen kikshering kompaniialarmen birlesip jumys istep jatyrmyz. Almatyda saiabaqtar men jaiaý júrginshiler aimaqtaryn japtyq. Ol jerde elektrsamokattar júrmeidi. Arnaiy turaqqa dep 10 oryn tańdaldy", - deidi Almaty mobildi basqarma basshysynyń orynbasary Baýyrjan Qumarǵazin.
