Spikerdiń aitýynsha, ólim-jitim boiynsha birinshi kezekte ókpe qaterli isiginen bolatyn ólim-jitim – 14,9% (166 jaǵdai), 2 orynda kolorektaldy qaterli isiginen – 11,8% (131 jaǵdai), 3 orynda sút bezi qaterli isiginen – 10,1% (112 jaǵdai), 4 orynda asqazan qaterli isiginen – 10,0% (111 jaǵdai) kórsetken.
Jyl basynan beri Almatyda ólim-jitim azaiǵan. Osy kezeńde onkologiialyq aýrýlardan 1109 naýqas qaitys boldy, bul ótken jyldyń sáikes kezeńimen salystyrǵanda 89 adamǵa az.
Qazaqstannyń basqa oblystary men qalalarynan kelýshilerdiń esebinen Almaty qalasynda jyl saiyn qaterli isikke shaldyqqandar sany artyp otyrǵanyna qaramastan osyndai kórsetkish kórsetip otyrǵanyn eskerý kerek.
«Búkil álemde onkologiialyq aýrýlar júrek-qan tamyrlary aýrýlarymen qatar ólim-jitim deńgeii joǵary aýrýlar tiziminde kósh bastap keletinin esterińizge sala keteiik. Sondyqtan skriningten ótý óte mańyzdy. Erte kezeńde anyqtalǵan kez kelgen aýrýdan emdelý múmkindigi joǵary. Qala turǵyndary ózderi tirkelgen jerdegi emhanada skriningten óte alady.
Skrining – tegin. Taǵy bir aita ketetini, qazan aiynda sút bezi obyryn erte anyqtaý ailyǵy ótetinin esterińizge salǵym keledi.
Osy aidyń ár senbisinde bizdiń ortalyqqa barlyq qyz-kelinshekter kelip, konsýltanttardyń tekserýinen óte alady. Sizdiń ómirińiz eń aldymen óz qolyńyzda ekenin umytpańyz», – dep túiindedi sózin Nursultan Izbaǵambetov.
