Almaty Tótenshe jaǵdailar departamenti erte habarlaý júiesi men Darmen qosymshasy synaq rejiminde ekenin aitty, dep habarlaidy Dalanews.kz.
Almaty TJD málimetinshe, 2020 jyldan bastap 28 stantsiianyń qurylysy men kúshti jer silkinisi týraly halyqty aldyn ala habarlaýdyń avtomattandyrylǵan júiesin engizý boiynsha kezeń kezeńimen jumystar júrgizilgen.
"Olardy iske asyrý eki kezeńde júzege asyryldy: 2022 jyly 11 stantsiia jáne 2023 jyly 17 stantsiia ornatý. Jergilikti biýdjetten qarajat bólinip, tolyq igerildi: qurylystyń birinshi kezeńi - 547,9 million teńge, qurylystyń ekinshi kezeńi - 597,5 million teńge. Qazirgi ýaqytta sheteldik tájiribe boiynsha júie aprobatsiia kezeńinen ótip jatyr jáne test rejiminde", - dep habarlady TJD.
Qutqarýshylar 23 qańtarda Almatyda bolǵan jer silkinisi kezinde SMS habarlamalar jiberilgenin alǵa tartty. Alaida habarlama jazylýshylarǵa táýliktiń ártúrli ýaqytynda jetken.
"Uialy bailanys operatorlarynyń shekteýlerine bailanysty abonenttik bazaǵa úlken kólemdegi SMS jiberý birneshe bloktarǵa bólinedi jáne bir saǵattan asa ýaqytty alady", - dep habarlady vedomstvo.
Darmen qosymshasyna qatysty, Tótenshe jaǵdailar departamenti ol da, joiyqyn jer silkinisi týraly aldyn ala habarlaý júiesi siiaqty synaq rejiminde ekenin habarlady.
"Qazirgi ýaqytta Darmen mobildi qosymshasy men joiqyn jer silkinisterin aldyn ala habarlaý júiesi synaqtan ótip jatyr jáne synaq rejiminde".
