Májilis depýtattary Almatydaǵy jer silkinisinen keiin úkimetke birneshe usynys tastap, shuǵyl shara qabyldaýdy talap etti, dep habarlaidy Dalanews.kz.
Májilis depýtaty Baqytjan Bazarbek jer silkinisi bolǵan jaǵdaida oǵan aldyn ala daiyn bolýy kerek ekeni týraly máseleni kóterdi. Onyń aitýynsha elimizdiń taýly aimaqtarynda, jerasty qazynany óndirip jatqan óndiristi óńirlerde zilzala qaýpi joǵary. Sondyqtan tótenshe jaǵdai ministrligi men basqa da tiisti mekemelerdiń zilzaladan qorǵaný boiynsha jumystarǵa erekshe mán berýge shaqyrdy.
Osy tusta depýtattar úkimetke birneshe usynys joldady:
- tektonikalyq jaryǵy bar, sondai-aq sel jáne kóshkin qaýpi bar aimaqtarda jer ýchaskelerin berýge zańnamalyq tyiym salý;
- tektonikalyq jaryǵy bar aimaqtarda qurylysqa bastapqy materialdar men ruqsat qujattaryn berýge tyiym salý;
- Almaty ákimdigi men máslihatyna qala aýmaǵyn salý qaǵidalaryn ázirleý jáne bekitý jónindegi qosymsha quzyret túrinde erekshe mártebe berý;
- jobalaý-smetalyq qujattama memlekettik saraptamasy aiasynda vibrosynaqty qoldana otyryp, turǵyzylǵan obektige mindetti seismoaýdit júrgizý jáne obektini paidalanýǵa qabyldaý satysynda qaita seismoaýdit júrgizý praktikasyn engizý;
- Almatynyń taýly aimaqtarynda kópqabatty, tipti eki qabattan joǵary turǵyn úilerdiń qurylysyna tyiym salý.
Esterińizge sala keteiik, 23 qańtar saǵat 00:09-da Almatyda 5 ball deńgeiinde jer silkinip, úlken dúmpý oryn aldy. Alaida halyqqa jer silkinisi týraly eskertý habarlama tym kesh kelgen.
