«Kúlikbaev 2016 jyldyń 17-18-shildede Jansúgirov kóshesindegi Aiat qonaq úiinde józeksheler júrýi múmkin ekenin aldyn ala josparlap, óziniń dini áleýmettik kózqarasyna qaishy bolǵandyqtan, jezókshelikpen ainalysatyn áielderdi óltirý maqsatynda atalǵan orynǵa barǵan. Qonaq úi aýlasynda turǵan Imanǵalievke tiesili Kia Rio avtokóligine baryp, onyń ishinde jezóksheler bar ekenin boljap, ishinde otyrǵan Imanǵalievten terezesin ashýdy suraǵan.
Kólik terezesi ashylǵannan keiin, birneshe eskertý jasap, oǵan kónbegen soń artqy oryndyqta otyrǵan Sodnikovany basynan atyp óltirgen. Osy kezde Imanǵaliev qashyp shyqqan. Kúlikbaev onyń artynan oq atqanymen, tigize almaǵan. Ýaqytyn tiimdi paidalaný maqsatynda kólikke kelip, ishinde otyrǵan ekinshi Ómirzaqovany alyp, Sodinkovanyń máitin alyp, qalada júrgen.
Jolda Ómirzaqovaǵa «Sender Alladan qoryqpaisyńdar! Alladan keshirim sura?! Allanyń jolynda qarsy shyqsańdar, bárińdi jaryp jiberemin» dep qorqytqan. Ómirzaqova ómirine qaýip tóngendikten keshirim surap, óz ámianyn Kúlikbaevqa bergen.
Kúlikbaev ishinde 7 myń teńgesi bar Ómirzaqovanyń ámiianymen qosa, kólik ishinde turǵan Imanǵalievtiń ishinde 42 000 teńgesi bar ámiianyn alǵan. Jolda kóliktiń qyzyl baǵdarshamǵa toqtaǵanyn paidalanyp, Ómirzaqova odan qashyp shyǵyp qutylǵan. Kúlikbaev ony qýmaǵan. Osydan keiin Kúlikbaev qaladaǵy bir dúken aldyna kelip kólikti qaldyryp ketken», — dedi prokýror Jarqyn Baqashbaev.
Qylmystyq ister jónindegi mamandandyrylǵan aýdanaralyq soty sýdiasy Erlan Bolatovtyń aiyptalýshylarǵa ornynan turyp, jaýap berý qajet degen talabyna aiyptalýshy Rýslan Kúlikbaev baǵynbady, dep habarlaidy sot zalynan QazAqparat tilshisi.
«Kúlikbaev ornyńyzdan turyńyz!» degen sýdia Erlan Bolatovtyń talabyna Kúlikbaev baǵynbady. Birneshe ret aityp ornynan turǵyza almaǵan sýdia aqyry sebebin suraýǵa májbúr boldy.
Kúlikbaev ishin kórsetip: «tursam, aýyrady!» dep jaýap berdi.
Buǵan sýdia kelisti.
Aita keteiik, Almaty qalasynyń Qylmystyq ister jónindegi mamandandyrylǵan aýdanaralyq sotyna Rýslan Kúlikbaevqa qatysty qylmystyq isti atalǵan sot sýdiasy Erlan Bolatov júrgizip jatyr. Kúlikbaev birneshe qanquily tonaý jáne qaraqshylyq áreketterge qatysty bolyp otyr. Buǵan deiin habarlanǵandai, tergeý toby 57 sot saraptamasy men zertteýler júrgizdi jáne bolǵan oqiǵanyń barlyq jáitterin anyqtaý maqsatynda 200-den astam kýágerler men oqiǵany kórgen adamdardy tergedi.
2016 jyldyń 12-qazanynda 61 tomnan turatyn qylmystyq is sotqa joldandy. Rýslan Kúlikbaevqa 8 quqyq qorǵaý jáne arnaiy organ qyzmetkerlerin jáne 2 beibit turǵyndy óltirdi, terrorlyq akt jasady degen aiyp taǵyldy. Sonymen qatar, ol 3 beiibit turǵyndy óltirmek boldy dep aiyptalyp otyr.
