Almatydaǵy Lenin 36 meiramhanasy jelidegi daýdan keiin ataýyn ózgertetin boldy, dep habarlaidy Dalanews.kz.
Bul týraly meiramhana ókilderi habarlady.
"Sońǵy kúnderi bizdiń tarapymyzǵa kóptegen keri bailanystar kelip tústi. Sol pikirlerdiń arasynda qoldaý, qyzyǵýshylyq jáne syn aitqan oqyrmandar da boldy.Bizge qoldaý kórsetken barsha oqyrmandarǵa sheksiz rizashylyǵymyzdy bildiremiz. Bizdiń tarapymyzdan ketken barlyq qatelikter úshin shyn júrekten keshirim suraimyz. Elimizdiń mádenieti men tarihy biz úshin árqashanda úlken oryn alady jáne syi qurmetpen qaraimyz. Bul jobany qurastyrǵanda eshkimge ziian keltirý oiymyzda bolǵan emes. Bizdiń basty maqsatymyz -eski Almatynyń sáýlettik jáne mádeni beinesimen bailanysty bolǵan.
Jobanyń barlyq qundylyqtaryn saqtap qalý úshin, sizderdiń pikirlerińizdi tyńdai otyryp, jobanyń atyn ózgertýdi sheshtik. Jaqyn arada bizdiń jobanyń jańa ataýymen bólisetin bolamyz. Bizben birge bolǵanyńyz úshin rahmet", - delingen jazbada.
Eske salaiyq, Threads áleýmettik jelisinde meiramhana ataýyna qatysty daý týǵan bolatyn.
«Dostyq 36 mekenjaiynda jańa meiramhana ashylyp jatyr. Ataýy Lenina 36. Bul – sátsiz ataý, dep esepteimin. Bireý bul dańǵyldan Leninniń baiaǵyda-aq “kóship ketkenin” bilmeitin siiaqty», - dep jazdy Threads qoldanýshysy erdentakenov.
