Oqý ornyna ishki ister organdarynyń kadr saiasaty jáne ishki qaýipsizdik basqarmalarynyń basshylyǵy men jaýapty qyzmetkerleri arasynan arnaiy top jiberildi. Tekserý nátijeleri boiynsha Ishki ister ministrliginde Tártiptik komissiia ótkizildi.
Ishki ister ministriniń buiryǵymen akademiia bastyǵy O.H.Smaiylov senip tapsyrylǵan bólimde jumysty durys uiymdastyryp, baqylaýdy qadaǵalamaǵany úshin qyzmetinen bosatyldy.
Onyń tárbielik, ideologiialyq jáne kadrlyq jumystarǵa jaýapty orynbasaryn da qyzmetinen bosatý usynyldy. Sonymen qatar, Akademiianyń taǵy 16 aǵa qyzmetkeri qatań tártiptik jaýapkershilikke tartyldy, olardyń beseýi de qyzmetinen bosatyldy, dep habarlady Ishki ister ministrliginiń baspasóz qyzmeti.
Akademiianyń oqý úderisi, turmystyq jaǵdaiy, moraldyq-psihologiialyq ahýaly, qarjylyq-sharýashylyq qyzmeti kiretin keshendi tekserý taǵaiyndaldy. Ministrliktiń ishki aýdit, kadr saiasaty jáne ishki qaýipsizdik departamentteriniń qyzmetkerleri bilim berý mekemesine jiberildi.
Ministr Erlan Turǵymbaevtyń tapsyrmasy boiynsha osyndai tekserýler 2021 jyldyń 1 toqsanynda Ishki ister ministrliginiń barlyq oqý oryndarynda júrgiziletin bolady.
Aita ketelik buǵan deiin Almatydaǵy IIM akademiiasynda oqityn 19 jastaǵy Salamat Ótegenovtiń asúi qoimasynda asylyp qalǵany habarlanǵan.
Onyń denesi Oralǵa jetkizilip, sol jerde jerledi. Jýrnalister Salamat Ótegenovtiń anasymen sóilesti. Bekzat Imanǵalieva otbasynda kezdesken qiyndyqtar týraly aityp berdi.
Onyń aitýynsha, Salamat 1-kýrstan bastap ata-anasynan aqsha surai bastaǵan, onyń ishinde qysqy sessiiany tapsyrýǵa 80 myń teńge de suraǵan kezderi bolypty.
Keiin 2019 jyldyń qyrkúieginde 2-kýrs bastaldy. Ata-analar Salamattyń mikroqarjy uiymynan nesie alǵanyn bilgen. Olar qaryzdy jaýyp tastaǵan, biraq onyń nege qaryz alǵany týraly oilana bastaǵan. Salamat jaýap retinde ata-anasyn taǵy da mazalamaitynyn jáne olardan aqsha suraǵysy kelmeitinin aityp, sondyqtan da mikrokredittik uiymnan aqsha alǵanyn aityp túsindirgen.
«Biz onyń bul nesiesin jaýyp berdik, onyń ne úshin aqsha alatynyn suradyq. Ol bizge: «Mama, bul men ǵana emes, barlyq bala osy jaqtan aqsha alady» dep jaýap berdi. Ol aqshany ne úshin alǵanyn túsindirmedi, biraq «Apa, siz túsinbeisiz. Kazarmalyq júiede bir nárse úshin únemi aqy tóleýge týra keledi» dedi», – deidi marqumnyń anasy.
Ol sońǵy 3 aida ádettegiden kóp aqsha surai bastaǵan. Óler aldynda ol aǵasynan aqsha jiberýdi suraǵan.
«2020 jyldyń 13 jeltoqsanynda kýrsant Salamat Ótegenov asylyp qalǵanyn habarlaimyz. Atalǵan derek boiynsha Almaty qalasy PD ózindik qaýipsizdik basqarmasy Qylmystyq kodekstiń 105-baby 1-bóligi boiynsha sotqa deiingi tergeý júrgizip jatyr. Qyzmettik tergeý barysynda Akademiia qyzmetkerleri men kýrsanttary tarapynan zańsyz is-áreketter anyqtalǵan joq», – dedi akademiiadaǵylar.
