Almatydaǵy № 1 oblystyq balalar úiine qatysty taǵy da daý shyqty. Oblystyq Bilim basqarmasy jaǵdaiǵa pikir bildirdi,- dep habarlaidy Dalanews.kz
Bilim basqarmasynyń málimetinshe, Almaty qalasyndaǵy "Arnaýly áleýmettik qyzmetterdi qajet etetin balalardy qoldaý óńirlik ortalyǵy" KMM ǵimaraty apat jaǵdaiynda turýyna bailanysty tárbielenýshilerdi Qonaev qalasyndaǵy jańa, zamanaýi balalar úiine kóshirý týraly sheshim qabyldanǵan.
"1963 jyly salynǵan ǵimarat ári qarai paidalanýǵa jaramsyz dep tanylǵan. 2024 jyly "Astanaqurylysservis" JShS júrgizgen tehnikalyq zertteý nátijesinde ǵimarattyń tirek qurylymdarynda jaryqtar anyqtalyp, jylý jáne sýmen jabdyqtaý júieleri tolyq tozǵany jáne qaita qalpyna keltirýge kelmeitini anyqtalǵan. Nysan sanitarlyq, órt qaýipsizdigi jáne qurylys talaptaryna sáikes kelmeidi", - dep jazylǵan habarlamada.
2025 jylǵy 9 shildede shyqqan Almaty oblysy ákiminiń jáne 2025 jylǵy 10 shildedegi Bilim basqarmasynyń buiryǵy negizinde tárbielenýshilerdi kezeń-kezeńimen 180 oryndyq jańa balalar úiine kóshirý jumystary bastalǵan. Bul nysan jeke investorlardyń qarajatyna salynǵan jáne memleket menshigine syiǵa berilgen.
"Jańa ǵimarat balalarǵa arnalǵan mekemelerge qoiylatyn zamanaýi standarttar men talaptarǵa tolyq sáikes keledi. Aldymen 1–4-synyptarda oqityn 44 bala kóshiriledi. Eresek tárbielenýshilerdiń kóshirilýi bilim berý úderisiniń turaqtylyǵy men áleýmettik beiimdelýin eskere otyryp, kezeń-kezeńimen júrgiziledi. Qazir mekemede 171 bala tárbielenip jatyr, olardyń 125-i - jetim balalar, 46-sy - ómirlik qiyn jaǵdaiǵa tap bolǵan balalar. Mekemede 85 qyzmetker, onyń ishinde 42 pedagog jumys isteidi", - dep jazylǵan habarlamada.
Áleýmettik jelilerde tarap jatqan aqparattarǵa bailanysty Bilim basqarmasy mynadai pikir bildirdi:
"Barlyq tárbielenýshi turatyn jerine qaramastan, tegin meditsinalyq qyzmetpen qamtamasyz etiledi jáne zańnamaǵa sáikes turǵyn úi kezegine turýǵa quqyly. Mekeme ornalasqan aýmaqta batpaqty jer bar degen aqparat shyndyqqa sáikes kelmeidi. Bul jaǵdai balalardyń quqyǵyn shektemeidi. Qonaev qalasyndaǵy jańa mekemege kóshirý balalardyń qaýipsizdigin, sapaly bilim men meditsinalyq qyzmet alý quqyǵyn jáne jaily ómir súrý jaǵdailaryn qamtamasyz etýge baǵyttalǵan", - dep jazylǵan habarlamada.
