Almatydaǵy avtobýs apatynan bir adam qaza tapty, - dep habarlaidy Dalanews.kz.
Almaty qalalyq Politsiia departamentiniń baspasóz qyzmeti málimetinshe, adam ólimine ákep soqqan jol apatyna qatysty qylmystyq is qozǵaldy. Tiisti saraptamalar taǵaiyndaldy.
"Bul jol-kólik oqiǵasy saǵat 14.20-da Almatynyń Almaly aýdanynda boldy. Aldyn ala málimet boiynsha, «Kia» kóliginiń júrgizýshisi Maqataev kóshesimen ońtústik baǵytta ótip bara jatyp, «Sity-Bus» JShS jeke tasymaldaýshysy qyzmet kórsetetin 18-shi baǵyttaǵy qoǵamdyq kólikpen soqtyǵysyp, artynsha kedergige soqqan", - dep jazylǵan habarlamada.
Oqiǵa saldarynan qoǵamdyq kóliktiń 16 jolaýshysy meditsinalyq kómekke júginse, taǵy bir jolaýshy oqiǵa ornynda kóz jumdy.
