Aita ketsek, adam ólimimen aiaqtalǵan atys búgin saǵat 17:00 shamasynda oryn alǵan. Resmi derekterge súiensek, sot sheshimin oryndaýshylar eki adamnyń menshik quqyǵyna qatysty daýǵa bailanysty kúdiktiniń úiine kelgen. Sot sheshimimen estigen azamat úiinen qarý alyp shyǵyp, sot oryndaýshysyna, ýchaskelik politsiia inspektorlaryna jáne aýlada bolǵan basqa adamdarǵa qarýdan oq jaýdyrdy.
Nátijesinde bes adam kóz jumǵan. Onyń ishinde úidiń jańa iesi men taǵy bir turǵyn bar.
Almaty qalalyq politsiia departamenti basshysynyń orynbasary Rústem Ábdirahmanovtyń sózinshe, atys bolǵan ýaqytta úide áielder men balalar bolǵan.
“Kúdikti arnaiy jasaq sarbazdarynyń qatysýymen qarý qoldanylmai ustaldy. Atalǵan fakti boiynsha QR Qylmystyq kodeksiniń 99 baby 2 bóligi "Kisi óltirý" boiynsha qylmystyq is qozǵaldy. Qylmys jasaǵany úshin 20 jylǵa deiin bas bostandyǵynan aiyrý nemese ómir boiyna bas bostandyǵynan aiyrý jazasy qarastyrylǵan”, –dedi ol.
Qazirgi tańda bolǵan oqiǵa ornynda jedel-tergeý toby jumys isteýde, aimaqty politsiia qorshaýǵa aldy.
https://dalanews.kz/del-qazir/68090-almatydagy-atystan-beybit-turgyndar
