Búgin Almatydaǵy Nikolskii bazarynyń aýmaǵynda atys boldy. Ol jerde aýdandyq politsiia basqarmasy ornalasqan. Basqarmanyń mańaiy qorshaýǵa alynyp, kórshi ǵimarattardaǵy adamdardy keńselerinen shyǵarmai qoidy. Kýágerlerdiń sózine qaraǵanda, atys qalanyń taǵy eki aýdanynda boldy, dep habarlaidy Baq.kz tilshisi.
dalanews almaty021Ázirshe, atalǵan oqiǵaǵa qatysty resmi málimet joq. Alaida kýágerler áleýmettik jeliler arqyly oqiǵa ornynda kórgenderin jazyp jatyr. Olardyń málimetine sáikes, atysty bir adam emes, birneshe adam ashqan. Politseiler qylmyskerlerdiń bir sybailasyn atyp tastady, eki politsei jaraqattandy degen aqparat boldy.
«Atys boldy. Avtomat asynǵan bireý atyp shyqty da, Áýezov atyndaǵy teatr jaqqa júgirdi. Sol jerde Lada kóligin ustap, taiyp turdy. Onyń bir sybailasyn politseiler atyp tastady», - deidi kýágerlerdiń bireýi. Politseiler atys ashqan er adamnyń sybailasyn atyp óltirgenderin rastady. Atys kezinde jaraqat alǵan bes er adam jedel meditsinalyq járdem aýrýhanasynyń jan saqtaý bólimine jatqyzyldy. Olardyń aty-jóni áli belgisiz.
