ازىرشە، اتالعان وقيعاعا قاتىستى رەسمي مالىمەت جوق. الايدا كۋاگەرلەر الەۋمەتتىك جەلىلەر ارقىلى وقيعا ورنىندا كورگەندەرىن جازىپ جاتىر. ولاردىڭ مالىمەتىنە سايكەس، اتىستى ءبىر ادام ەمەس، بىرنەشە ادام اشقان. پوليسەيلەر قىلمىسكەرلەردىڭ ءبىر سىبايلاسىن اتىپ تاستادى، ەكى پوليسەي جاراقاتتاندى دەگەن اقپارات بولدى.
«اتىس بولدى. اۆتومات اسىنعان بىرەۋ اتىپ شىقتى دا، اۋەزوۆ اتىنداعى تەاتر جاققا جۇگىردى. سول جەردە لادا كولىگىن ۇستاپ، تايىپ تۇردى. ونىڭ ءبىر سىبايلاسىن پوليسەيلەر اتىپ تاستادى»، - دەيدى كۋاگەرلەردىڭ بىرەۋى. پوليسەيلەر اتىس اشقان ەر ادامنىڭ سىبايلاسىن اتىپ ولتىرگەندەرىن راستادى. اتىس كەزىندە جاراقات العان بەس ەر ادام جەدەل مەديسينالىق جاردەم اۋرۋحاناسىنىڭ جان ساقتاۋ بولىمىنە جاتقىزىلدى. ولاردىڭ ءاتى-جونى ءالى بەلگىسىز.
https://www.youtube.com/watch؟v=bs9qo8VVJco
