Dárigerler budan buryn da polıseıdiń jaǵdaıy óte aýyr ekenin, onyń ómir men ólimniń ortasynda jatqanyn habarlaǵan. Aqyry, ajal alyp tynypty.
Qaıtys bolǵan polıseı Jalǵas Keldibaev 1992 jyldyń 1 qyrkúıeginde ómirge kelgen. Almaty qalalyq jol-patrýl polısıasynyń qyzmetkeri. İshki ister organdarynda 2014 jyldan bastap jumys istegen. Úılenbegen.
«Almaty qalalyq İshki ister basqarmasynyń basshylyǵy, Ardagerler keńesi jáne jeke quram qaza tapqan Jalǵas Keldibaevtyń otbasyna jáne jaqyn týystaryna qaıǵyryp kóńil aıtady», – delingen Almaty qalalyq İshki ister basqarmasynyń baspasóz habarlamasynda.
