Biylǵy jyly magistraldyq sý qubyry jáne káriz jelilerin salý baǵdarlamasy aiasynda diametri 400 mm sý qubyry salyndy. jobada barlyǵy 28,8 km injenerlik jeliler salý kózdelgen, olar boiynsha jumystar aiaqtalýǵa jaqyn.
Almaty ákimdiginiń málimetinshe, aǵymdaǵy jyldyń 31 shildesinde jalpy uzyndyǵy 3,4 km jańa qubyrlardy syǵymdaý júrgizildi, sý qubyrynyń jańa tarmaǵy men sorǵy stantsiiasy kelesi kúni jumys istei bastaidy. Nátijesinde-Naýryzbai aýdanynyń 22 myńnan astam turǵyny taza aýyz sýǵa qoljetkize alady.
«Aqjar» shaǵyn aýdan turǵyndarymen kezdesýge Naýryzbai aýdanynyń ákimi Názira Toǵyzbaeva keldi, ol osy shaǵyn aýdandaǵy sýmen jabdyqtaý jaǵdaiyna túsinikteme berdi.
– Qazirgi ýaqytta aýdan halqynyń 30%-y ortalyq sýmen qamtamasyz etilgen (Qalqaman jáne Altyn-Alash sh/a – 100%). Qaraǵaily, Aqjar, Taýsamaly, Tastybulaq, Shuǵyla, Taýjoly siiaqty shaǵyn aýdandarynda jazǵy kezeńde sýmen jabdyqtaýda shekteý problemalary bar. Bul másele jyl saiyn sáýirden qazanǵa deiin ótkir turady. Máselen, qazirgi ýaqytta kaskadty ádispen sý berýdiń iske qosý-retteý protsesi júrgizilýde. Turǵyn úilerdi salynǵan sý qubyryna segmenttik qosýmen qatar, ony megapolisti sýmen jabdyqtaýdyń tehnologiialyq tizbegine qosý jumystary aiaqtalýda, – dedi ákim.
Onyń aitýynsha, Naýryzbai aýdanynda qalalyq injenerlik infraqurylymdy damytý úshin 130 shaqyrym sý qubyry jáne 65 shaqyrym káriz jelileri salyndy.
– Aǵymdaǵy jyly Qarǵaly ózeninde jańa súzgi stantsiiasynyń qurylysy aiaqtalady. Al 2025 jylǵa deiin Aqsai ózeninde osyndai súzgi stantsiiasynyń qurylysyn aiaqtaý josparlanýda. Munyń bári Naýryzbai aýdanynyń 150 myń turǵynyn sýmen turaqty qamtamasyz etýge múmkindik beredi, – dep atap ótti Naýryzbai aýdanynyń ákimi Názira Toǵyzbaeva.
Gúlzada Raisova Aqjar shaǵyn aýdanynda 20 jyldan astam turady.
– Osy jyldar ishinde jazǵy kezeńde bizde sý bolmady-ákimdik qamtamasyz etken tasymal sýdy paidalandyq, – dedi áiel. – «Kazaqstroi» biyl jumys istei bastady, jaqyn arada abonentterdiń bir bóligin sýmen jabdyqtaýǵa qosýǵa ýáde berdi. Olar shaǵyn aýdannyń qalǵan turǵyndary jańa súzgi stantsiiasy salynǵanǵa deiin 2025 jyldyń sońyna deiin qosylatynyn aitty. Árine, Almaty qalasynyń ákimi Erbolat Dosaevqa bizdiń kópjyldyq problemamyzǵa nazar aýdarǵany úshin alǵys aitqym keledi. Jańa magistraldyq jeliler bizdi jyl boiy sýmen sýmen qamtamasyz etedi dep úmittenemiz, – dedi ol.
Taǵy bir turǵyn Baqytgúl Darmeshova Aqjar shaǵyn aýdanynda 30 jyl turady. Onyń aitýynsha, osy jyldar ishinde sýdyń shektelýi sáýirden qazanǵa deiin sozylady. Jergilikti turǵyndar aýyz sý tapshylyǵy máselesi tamyz aiynda sheshiledi dep úmittenedi.
Ákimdikte atap ótkendei, qazirgi ýaqytta Naýryzbai aýdanynyń injenerlik infraqurylymyn damytý boiynsha jumystar jalǵasýda.
Máselen, búginde 130 km sý qubyry jáne 65 km káriz jelileri salyndy. Aǵymdaǵy jyly Qarǵaly ózeninde jańa súzgi stantsiiasynyń qurylysy aiaqtalady.
2025 jylǵa deiin Aqsai ózeninde osyndai súzgi stantsiiasynyń qurylysyn aiaqtaý josparlanýda. Bul sharalar Naýryzbai aýdanynyń 150 myń turǵynyn sýmen turaqty qamtamasyz etýge múmkindik beredi.
