Almaty qalasynyń Qala qurylysyn baqylaý basqarmasynyń habarlaýynsha, Muratbaev kóshesi, 63 mekenjaiynda ornalasqan Parasat biznes-ortalyǵynyń úshinshi qabaty men mansardalyq qabaty zańsyz salynǵan, dep habarlaidy Dalanews.kz.
Buǵan deiin "Parasat Samex Co LTD" JShS iesine jospardan tys tekserý júrgizý barysynda QR ÁQBtK 316-babynyń 1-bóligi jáne 321-baby boiynsha shara qabyldanyp, úshinshi qabat pen mansardany buzý týraly buiryq berilgen. Alaida menshik iesi bul talaptardy oryndamaǵandyqtan, materialdar sotqa jiberildi.
2023 jylǵy 24 qazanda Almaty qalasynyń mamandandyrylǵan aýdanaralyq ekonomikalyq sotynyń sheshimimen basqarmanyń buiryqty májbúrli túrde oryndaý týraly talap-aryzy qanaǵattandyryldy.
