Almatyda memleket jáne qoǵam qairatkeri Zamanbek Nurqadilovtiń qurmetine memorialdyq taqtaisha qoiyldy, - dep habarlaidy Dalanews.kz.
Memorialdyq taqtaisha Nurqadilov turǵan úige qoiyldy.
ZTB málimetinshe, ashylý rásimin qoǵam qaĭratkeriniń birinshi jary Nurbike Nurqadilova jáne uly Qaĭrat Nurqadilov bastap berdi.
Aita keteiik, qańtarda Almatyda Zamanbek Nurqadilovtiń týǵanyna 80 jyl tolýyna orai as berilgen bolatyn. Oǵan birqatar qoǵam qairatkeri, saiasatkerler, parlament depýtattary, ǵalymdar men qalamgerler qatysty.
Asta sóz alǵan prezidenttiń baspasóz hatshysy Berik Ýáli memleket basshysy Qasym-Jomart Toqaevtyń arnaiy kóńil hatyn oqyp bergen. Toqaev hatynda Zamanbek Nurqadilovke eskertkish ornatý kerek dep esepteitinin jazǵan.
Buǵan deiin ánshi Maqpal Júnisova án keshteriniń birinde Zamanbek Nurqadilovtiń ólimine qatysty shyndyqty aitqan bolatyn.
"Birese anaý óltirdi deidi, birese mynaý óltirdi deidi. Eń sońyna kelip Maqpal óltirdi dep aitpasa boldy. Ony da kútýge bolady, ony da estip jatyrmyn. Týǵan balalary sondai áńgime taratyp jatqan kórinedi. Tóbede Alla bar ǵoi. Qolymyz qan bolsa júrmes edik qoi. Zákeń de "Maqpal, meni kelip úsh ret ata sal" deitin azamat emes qoi", - deidi ánshi.
Maqpal Júnisova Nurqadilov qaitys bolǵan kúni úide bolǵanyn aitady.
"Bári biledi. Shopyr da biledi. Men úiden shyqqan joqpyn, úide boldym. Biraq ol kisini ekinshi úide atyp ketken. Shamamen 7.15-te atyp ketken, sebebi 6.40-ta ol kisimen sóileskenmin. Myna úige "Jolama" dep aiǵailady. "Nege?" dep edim, "Ana úige tez qait" dedi. Balkonnan aiǵailady. "Záke, nege esikti ashpaisyń?" dedim. Sol kezde Zákeń "Myna úige kelýshi bolma" dedi.
Ony keiin túsindik qoi, ana úide qyrylys bolyp jatqan eken sol kezde. Kirmesin dep aitqan ekenin sonda túsindim. Biraq ony biraz adamdar basqasha keltirip júr eken.
Ashatyn bolsańdar durystap ashyńdar, ashpaityn bolsańdar burys áńgime taratýdyń qajeti joq dep oilaimyn. Sebebi bári biledi ǵoi", - deidi Maqpal Júnisova.
Onyń sózinshe, sol kúni bolǵan nárseniń bári kameraǵa jazylyp qalǵan.
"Qairattyń ózi (Nurqadilov) meniń ruqsatymsyz sol kúni túsirilgenniń bárin politsiiaǵa alyp ketińizder dep buiyrǵan.
Negizi 16 kameranyń 14-inde kim kirdi, kim shyqty - kórinip tur. Shet-jaǵasyn men de kórdim. Politsiia meni kinálaǵan kezde advokatym ekeýimiz "áne tur ǵoi, sony tappaisyńdar ma" degen kezde jigit shoshyp, ketip qaldy. Sosyn bizge kamerany bermei qoidy.
Sodan beri 17 jyl ótti. Nege men "óltirip ketti" dep aiǵailaǵanda, menimen birge balalary, qyzy, ajyrasyp ketken áieli aiǵailamady? Ózin-ózi atpady dep nege aitpady? Ózin-ózi atty dep qol qoiyp bergen men emes, solar ǵoi. Sondyqtan júikemdi tozdyrmasyn", - deidi ánshi.
2005 jyldyń 12 qarashasynda Zamanbek Nurqadilov óz úiinde denesindegi atylǵan úsh oǵymen óli kúiinde tabylǵan edi. Eki oq keýdesine tigen, bireýi basyna tigen. Bolǵan oqiǵanyń resmi nusqasy boiynsha - Nurqadilov óz-ózine qol jumsaǵan dep tanyldy. Almatydaǵy "Keńsai" ziratyna jerlengen.
