Almaty ákimdigi janyndaǵy ÚEU-men yntymaqtastyq jónindegi keńestiń otyrysynda memleket pen azamattyq qoǵamnyń ózara is-qimylyn damytýdyń negizgi tásilderi talqylandy. Jiynda Jańa Konstitýtsiianyń erejelerin túsindirý, sondai-aq «Taza Qazaqstan», «Zań men tártip» jáne «Adal azamat» ideologiialyq bastamalaryn ilgeriletý máselesine airyqsha nazar aýdaryldy, dep habarlaidy Dalanews.kz.
Kezdesý barysynda úkimettik emes uiymdardyń qoǵamdyq tyńdaýlarǵa qatysýy, áleýmettik innovatsiialardy damytý jáne jumystyń jańa formattaryn engizý máseleleri qaraldy. ÚEU-nyń konstitýtsiialyq reformalardyń mánin halyqqa túsindirýde jáne azamattyq jaýapkershilik mádenietin qalyptastyrýda mańyzdy ról atqaratyny atap ótildi.
Otyrysty ashqan Almaty qalasy ákiminiń orynbasary Abzal Núkenov azamattyq sektordyń strategiialyq mańyzyn atap ótti.
– Almatynyń azamattyq sektory qoǵam men memleket arasyndaǵy mańyzdy bailanystyrýshy býyn. Memleket úshin bul – ortaq mindetterdi sheshýdegi laiyqty ári teń seriktes, – dedi ol.
Sondai-aq ol byltyr Memleket basshysy azamattyq qoǵamdy damytý, áleýmettik jaýapkershilikti kúsheitý jáne memlekettiń halyqpen ózara is-qimylyn nyǵaitý baǵyttaryn aiqyndaityn Ishki saiasat tujyrymdamasyn bekitkenin eske saldy. Atalǵan qujatqa negizgi ideologiialyq baǵdarlar engizilgen.
Atap aitqanda, «Taza Qazaqstan» bastamasy ekologiialyq jaýapkershilikti ilgeriletip, azamattardyń abattandyrý men qorshaǵan ortany qorǵaýǵa qatysýynyń jańa mádenietin qalyptastyrady. Bul bastama ár adamnyń jeke tártibine, ÚEU men azamattyq sektordyń belsendi aralasýyna mán beredi jáne ulttyq qundylyqtar men áleýmettik mańyzy bar baǵdarlamalarmen sabaqtasyp jatyr.
«Zań men tártip» ideologemasy zań ústemdigi men qoǵamdyq tártip qaǵidatyn ornyqtyryp, azamattar men memlekettik organdar arasynda quqyqtyq mádeniet, tártip pen jaýapkershilikti qalyptastyrady. Ony iske asyrýdaǵy mańyzdy tetik – ÚEU bastamalary, volonterlik baǵdarlamalar men azamattyq sektor jobalary arqyly qoǵamnyń belsendi qatysýy. Bul zańǵa baǵyný mádenietin nyǵaitýǵa, halyqqa quqyqtary men mindetterin túsindirýge, sondai-aq qoǵamdyq normalar men erejelerdi qurmetteý daǵdysyn qalyptastyrýǵa yqpal etedi.
Ishki saiasattyń kelesi qaǵidaty – «Adal azamat». Bul bastama azamattardyń boiynda adaldyq, uqyptylyq jáne jeke jaýapkershilik qaǵidattaryn qalyptastyrýǵa baǵyttalǵan. Ony júzege asyrý úshin ÚEU bastamalary, bilim berý jáne aǵartýshylyq baǵdarlamalar arqyly qoǵamdy keńinen tartý qajet.
Osylaisha, atalǵan bastamalar men qaǵidattardyń toǵysýy memleket, qoǵam jáne árbir azamat ádil, ornyqty ári úilesimdi damý jolynda birlese áreket etetin «Ádiletti Qazaqstandy» qurýdyń berik negizin qalaidy.
Belgili bolǵandai, respýblikalyq referendýmda Qazaqstan Respýblikasynyń Jańa Konstitýtsiiasy qabyldandy. Qalanyń úkimettik emes uiymdary bul mańyzdy oqiǵaǵa belsendi qatysyp, memleket pen qoǵamnyń zamanaýi basymdyqtaryn aiqyndaityn jańartylǵan quqyqtyq negizdi qoldady. Jańa Konstitýtsiia eldiń odan ári damýyna, demokratiialyq institýttardy nyǵaitýǵa, azamattardyń quqyqtary men bostandyqtaryn qorǵaýǵa, sondai-aq memlekettik organdar jumysynyń ashyqtyǵy men jaýapkershiligin arttyrýǵa keń múmkindik beredi.
Abzal Núkenovtiń aitýynsha, bul – tek qatań saqtalýy tiis negizgi qujat qana emes, sonymen birge ony halyq arasynda jan-jaqty túsindirý de asa mańyzdy.
– Túsindirý jumystaryn jalǵastyrý óte mańyzdy. Halyq óz quqyqtary men mindetterin, memlekettiń basymdyqtaryn, sondai-aq qoǵam ómirine aralasýdyń mańyzyn túsinýi kerek. Konstitýtsiiada memlekettik saiasattyń negizgi baǵyttary, sonyń ishinde quqyqtyq memleketti damytý, áleýmettik ádilettilikti qamtamasyz etý, azamattyq belsendilikti yntalandyrý jáne el ómirine yqpal etetin sheshimderdi qabyldaýǵa halyqty tartý máseleleri bekitilgen, – dep qosty ol.
Osylaisha, Jańa Konstitýtsiia quqyqtyq mádenietti qalyptastyrýdyń, azamattardyń jaýapkershiligin arttyrýdyń jáne memlekettik institýttarǵa degen senimdi nyǵaitýdyń irgetasyna ainalyp otyr. Árbir azamat onyń qaǵidattarynyń qoǵamnyń kúndelikti ómiriniń ajyramas bóligine ainalýyna jáne memleket pen azamattardyń naqty is-áreketterinen kórinis tabýyna úles qosýy tiis.
Almaty qalasy Ishki saiasat basqarmasynyń basshysy Aidar Esenbekov naqty sheshimder qabyldaý úderisine ÚEU qatysýyn keńeitýdiń mańyzyn atap ótti.
– Almaty – kúrdeli ári kópqabatty qala. Ár aýdannyń óz ereksheligi, óz máselesi bar. Sondyqtan turǵyndarmen tikelei jumys isteitin ÚEU men sarapshylardyń rólin kúsheitý biz úshin óte mańyzdy, – dedi ol.
Basym baǵyttardyń qatarynda rásimderdiń ashyqtyǵyn arttyrý, ózara is-qimyldy tsifrlandyrý, sondai-aq áleýmettik jobalaýǵa jáne tiimdilikti baǵalaýǵa qatysty ÚEU-ǵa arnalǵan bilim berý baǵdarlamalaryn damytý máseleleri ataldy.
Almaty máslihatynyń depýtaty Altynai Kóbeeva azamattyq sektordyń sapalyq turǵydan kúsheiýine nazar aýdardy.
– Azamattyq sektor – tek áleýmettik jobalardy oryndaýshylar ǵana emes, sonymen qatar ideia usynatyn jáne kásibi saraptama qalyptastyratyn orta, – dedi ol.
«Almaty Azamattyq Alliance» ZTB tóraǵasy Nurjan Jaqypov bastamalardy is júzinde júzege asyrýdyń mańyzyn atap ótti.
– Azamattyq sektor jumysynyń negizi – halyqpen turaqty bailanys arqyly qalyptasatyn senim, – dedi ol.
Otyrys qorytyndysy boiynsha ÚEU-nyń qoǵamdyq tyńdaýlar men áleýmettik jobalarǵa qatysýyn kúsheitý, sondai-aq Jańa Konstitýtsiia men memlekettik ideologiialyq bastamalar boiynsha júieli aqparattyq-túsindirý jumystaryn keńeitý josparlanyp otyr.
Kezdesý sońynda otyrys barysynda aitylǵan negizgi bastamalar men usynystardy jinaqtap, aldaǵy jumystyń naqty baǵyttary men olardy iske asyrý tetikterin aiqyndaý mańyzdy ekeni atap ótildi.
