Kúni keshe ǵana Almaty qalasyndaǵy Dostyq úıinde tájikterdiń respýblıkalyq etnomádenı ortalyǵynyń qalalyq fılıalynyń ofısiniń ashylýyna qatysty is-shara bolyp ótti, – dep habarlaıdy Dalanews.kz Almaty qalasy ákimdiginiń baspasóz qyzmetine silteme jasap.

İs-sharaǵa Qazaqstan halqy Assambleıasy Tóraǵasynyń orynbasary – QR Prezıdenti Ákimshiligi QHA Hatshylyǵynyń meńgerýshisi Marat Ázilhanov, QR Parlamenti Senatynyń depýtattary, QR Parlamenti Májilisiniń depýtattary qatysty.

QR Mádenıet jáne aqparat mınıstrligi, Qazaqstan halqy Assambleıasy tóraǵasynyń orynbasary, respýblıkalyq tájikterdiń etnomádenı ortalyǵynyń tóraǵasy Akbarjon Ismaılov bastaǵan tájik etnomádenı birlestiginiń músheleri sharada Almaty qalasynda tájikterdiń etnomádenı ortalyǵynyń qalalyq fılıalynyń ashylýy shahardaǵy ultaralyq tatýlyqty nyǵaıta túsetinin atap ótti.

Aıtýly shara Marat Ázilhanov quttyqtaý sóz sóılep, tájik etnomádenı birlestiginiń múshelerine qoǵamdyq kelisim men jalpyulttyq birlikti saqtaýda jan-jaqty jumys istep kele jatqanyn alǵa tartty. Sonymen qatar jańadan ashylǵan ofıs elimizdegi ultaralyq kelsimdi nyǵaıta túsýge óz úlesin qosatynyn aıtty.

Basqosýda Tájikterdiń respýblıkalyq etnomádenı ortalyǵynyń tóraǵasy Akbarjon Ismaılov tájik etnomádenı birlestiginiń qyzmetine toqtalyp ótti.

Shara barysynda Tájikterdiń respýblıkalyq etnomádenı ortalyǵy Almaty qalasyndaǵy fılıalynyń jańa tóraǵasy Mahmýdýloev Dodar tanystyryldy.

Shara sońynda Qazaqstan halqy Assambleıasynyń is-sharalaryna belsene atsalysyp, qoǵamdyq kelisimdi saqtaýǵa qosqan úlesi úshin EYU ókilderi «Alǵys» tósbelgisimen marapattaldy.