Almatynyń Qala qurylysy baqylaý basqarmasynyń habarlaýynsha, sot sheshimi boiynsha Jýkov kóshesi men Zataevich kóshesiniń qiylysyndaǵy №135/17 mekenjaiynda ornalasqan nysan buzyldy, – dep habarlaidy Dalanews.kz
Menshik iesi (jeke tulǵa) ruqsatsyz sharýashylyq ádispen kólik jýý ornyn salǵany úshin ákimshilik jaýapkershilikke tartyldy.
2023 jyly 14 qarashada basqarma nysandy buzý týraly talap aryzdy Almaty qalasy Medeý aýdandyq sotyna joldady, odan keiin sot protsesi bastaldy.
Nátijesinde talap aryz qanaǵattandyrylyp, apelliatsiialyq sot alqasy bul sheshimdi ózgerissiz qaldyrdy.
Is Ádilet departamentine joldanyp, 2024 jylǵy 2 shildede atqarýshylyq is júrgizý qozǵaldy. Buzý jumystary keshe sot oryndaýshylarynyń qatysýymen júrgizildi.
Esterińizge sala keteiik, Almaty ákimi Erbolat Dosaevtyń qurylysqa baqylaýdy kúsheitý týraly tapsyrmasy aiasynda 2023 jyldyń basynan beri 75 zańsyz nysan, onyń ishinde «Mechta», KHAN turǵyn úi keshenderi jáne t.b. tolyq nemese jartylai buzyldy.
