Qala prokýratýrasynyń úilestirýimen politsiia qyzmetkerleri Almatyda sheteldik alaiaq call-ortalyǵynyń qyzmetin toqtatty, dep habarlaidy Dalanews.kz.
«Shetel azamattary Qazaqstan azamattaryn tarta otyryp, telefon arqyly alaiaqtyq jasaýdyń zańsyz shemasyn uiymdastyrǵany anyqtaldy», – delingen habarlamada.
Tergeý dereginshe, kúdiktiler SIP-nómirlerdi satyp alyp, olar arqyly myńdaǵan aldamshy qońyraý shalyp, azamattardyń aqshasyn iemdenýdi kózdegen. Jedel-tergeý is-sharalary barysynda call-ortalyqtyń jumysyn qamtamasyz etken serverler anyqtalyp, óshirildi. Zańsyz qyzmet tolyqtai toqtatyldy.
Qazirgi ýaqytta sotqa deiingi tergeý jalǵasýda.
