Almatyda jańa jyl túni saliýt atýǵa bailanysty erejeler jariialandy. Bul týraly qalalyq Tótenshe jaǵdailar departamenti basshysynyń orynbasary Daniiar Júsipov málimdedi, dep habarlaidy Dalanews.kz.
Onyń aitýynsha, keibir kópqabatty úilerdiń aýlasynda pirotehnikany qoldanýǵa bolady.
"Saliýt ashyq alańda, ǵimarattardan, qurylymdardan jáne elektr jelilerinen keminde 50 metr qashyqta atylýy tiis. Eger kópqabatty úidiń aýlasyndaǵy alań osy talaptarǵa sáikes kelse, iaǵni ǵimarattardan jetkilikti qashyqta ornalasqan bolsa, onda bul órt qaýipsizdigi talaptaryna qarsy kelmeidi", – dedi Júsipov.
Sonymen qatar turǵyndarǵa pirotehnikany qoldaný kezinde barlyq qaýipsizdik sharalaryn saqtap, órt qaýipsizdigi erejelerin buzbaý mańyzdy ekeni eskertildi.
