Almaty turǵyny Abdýlla Rozybakiev kóshesiniń ataýyn Muhtar Shahanovtyń esimine aýystyrýdy usynyp, petitsiia jariialady. Bastama avtory bul usynysty aqynnyń el mádenieti men rýhaniiatyna sińirgen eńbegimen negizdeidi, dep habarlaidy Dalanews.kz.
Atalǵan petitsiia GosRating.com platformasynda jariialanǵan. Qujat mátininde Muhtar Shahanovtyń shyǵarmashylyǵy men qoǵamdyq qyzmeti ulttyq qundylyqtardy dáripteýde airyqsha ról atqarǵany jazylǵan. Osyǵan bailanysty, avtor kóshe ataýyn ózgertý arqyly tulǵanyń eńbegin laiyq túrde ulyqtaýdy usynady.
Sondai-aq petitsiiada kóshe ataýlaryn jańartý – tarihi jadty qalyptastyrý men mańyzdy tulǵalardy nasihattaýdyń bir joly ekeni atalyp ótken.
Qujatqa qol qoiý nemese qarsy daýys berý múmkindigi bar. Tiisti sheshim qabyldaý úshin petitsiia belgili bir deńgeide qoldaý jinaýy tiis.
Pikir bildirgisi kelgen azamattar petitsiiaǵa onlain túrde qatysa alady.
