Almaly aýdanynyń turǵyny ákimmen kezdesýde jańa tariftik mázir týraly surady. «Taiaýda Prezidentpen kezdesýińizde «Ońai» iske qosylǵannan beri almatylyqtarǵa tegin aýdarym jasaýǵa múmkindik alyp, tariftik mázir engiziletinin aittyńyz. Osy tariftik mázir qalai jumys isteitinin jáne tasymaldaýshylarǵa beriletin sýbsidiialar qanshalyqty ósetinin, ákimdik bul úshin aqshany qaidan almaq, neni únemdeidi, tolyǵyraq aityp berińizshi?» – dep surady qala turǵyny.
– Ázirshe sýbsidiialar týraly áńgime joq. Ózderińiz biletindei, máslihatta tarifti kóterý, iaǵni naryqtyq negizge kóshý týraly usynysymyzdy qoldady. Kerisinshe, bizdiń mindetimiz – búgingi tańda tasymaldaýshylarǵa bólinetin sýbsidiialardy jyl sanap qysqartý. Aidyń sońynda jergilikti biýdjetten bólinetin qarajatty kútip otyrmai, táýelsizdikke qol jetkizýdiń mańyzy zor, – dep jaýap berdi ákim.
Budan basqa ákim qazir Almaty qalasynyń bas jospary men kóliktik qurylymy men tariftik mázir máseleleri ázirlenip jatqanyn alǵa tartty.
– Jyl sońyna deiin biz tariftik mázirdiń formasyn qabyldaimyz, eger olar jol júrý kartasyn alsa, oǵan sáikes tegin tariftik aýdarymdar da kirýi tiis. Qazir ákimdik kólik holdingimen olardyń jumysynyń qorytyndysy men taldaýyna súienip, osy máseleni pysyqtap jatyr. Meniń oiymsha, qazan aiynyń sońynda biz tariftik mázirdi usynyp, qala turǵyndarynyń pikirin surap, odan ári bekitetin bolamyz, – dedi ákim.
