Almaty prokýratýrasy qylmystyq top qyzmetiniń jolyn kesti, dep habarlaıdy Dalanews.kz.

Almaty qalasynyń prokýratýrasy júrgizgen tekserý nátıjesinde jalǵan qujattar men kedendik sáıkestendirý quraldaryn paıdalana otyryp, taýarlardy kedendik shekara arqyly ótkizý, sondaı-aq naqty oryndalmaǵan jumystardyń, kórsetilmegen qyzmetterdiń jáne tıelmegen taýarlardyń shot-faktýralaryn jazyp berý faktileri anyqtaldy.

Jınalǵan materıaldar boıynsha birqatar qylmystyq ister tirkelgen, onda«keden salasyndaǵy ýákiletti ekonomıkalyq operatorlar» kompanıalarynyń basshylary kúdikti retinde ótken.

Quqyqqa qarsy áreketti júzege asyrý kezeńinde memleketke keltirilgen zalaldyń jalpy somasy 33 mıllıard teńgeden asty.

Sot úkimine sáıkes aıyptalýshylar qylmystyq kodeksiniń 216, 234-baptary boıynsha kináli dep tanyldy.

Kináli adamdarǵa múlki memleket kirisine tárkilenip, eki jyldan jeti jylǵa deıingi merzimge bas bostandyǵynan aıyrý túrindegi jazanyń ártúrli merzimderi taǵaıyndaldy.

Apelásıalyq saty úkimdi kúshinde qaldyrdy.