Jańa bastama oqý protsesin baiytyp qana qoimai, balalardyń mádenietke, ónerge jáne tarihqa degen tereń qyzyǵýshylyǵyn oiatýǵa múmkindik beredi.
Sonymen qatar, mýzeilerge barý arqyly olardyń syni oilaý qabileti men analitikalyq daǵdylary da dami túsedi.
«Elimizde 3,9 mln oqýshy bar. Biz barlyq bala men jasóspirim óner týyndylaryn, artefaktiler men eksponattardy óz kózderimen kórip, dúnietanymyn keńeitkenin qalaimyz. Bul olarǵa qosymsha bilim alyp, tarihi oqiǵalarǵa tereń úńilýge kómektesedi. Mektep oqýshylary mýzeilerge negizinen synyp jetekshilerimen birge keletinin baiqaimyz. Endi olar oqý jyly barysynda da, demalys kezinde de Almaty ákimdigine qarasty mýzeilerge tegin bara alady», – dep habarlady qala ákimdigi.
Mektep oqýshylary tegin bara alatyn mýzeilerdiń tizimi men mekenjaiy:
1. Almaty tarihy mýzeii (Qabanbai batyr kóshesi, 132)
2. Yqylas atyndaǵy halyq mýzykalyq aspaptar mýzeii, (Zenkov kósh., 24/A),
3. D.A. Qonaev mýzeii (Tólebaev kósh., 117),
4. Ádebi-memorialdyq mýzei kesheni:
S. Muqanovtyń mýzei-úii (Tólebaev kósh., 125, 3-páter)
Ǵ. Músirepovtiń mýzei-úii (Qarasai batyr kósh., 49, 25-páter)
5. Tilendievtiń memorialdyq mýzeii (Qonaev kósh., 96),
6. A.Baitursynulynyń mýzei-úii (Baitursynuly kósh., 60)
7. Raiymbek batyr mýzei kesheni (Raiymbek batyr dańǵ., 96 a)
8. Mýltimediialyq dástúrli mýzyka ortalyǵy (Nurkent sh/a, 5/11)
