Almatyda qatty jel saldarynan jolǵa aǵashtar qulady, dep habarlaidy Dalanews.kz.
TJD qutqarýshylary Memlekettik ulttyq tabiǵi park qyzmetkerlerimen birlesip, jol qozǵalysyn qysqa ýaqyt ishinde qalpyna keltirdi. Oqiǵa saldarynan zardap shekkender joq.
22 aqpan kúni saǵat 9:15 shamasynda Medeý aýdanynda aǵashtyń jol ústine qulaǵany týraly habar túsken. Oqiǵa ornyna jedel túrde TJD qutqarýshylary men ulttyq park mamandary barǵan. Buǵan deiin, 21 aqpanda dál osyndai jaǵdai "Medeý" muz aidyny men "Shymbulaq" taý kýrorty arasyndaǵy jolda, Gorelnik pen "Apa-Katia" vizit-ortalyǵy mańynda da bolǵan. Eki jaǵdaida da jol tolyq tazartyldy.
