Almatyda politseiler kópirden sekirmek bolǵan qyzdy qutqaryp qaldy
"Ol jylady, aiqailady, ómir súrgisi kelmeitinin aitty. Biz áńgimelese bastadyq, sóilestik. "Bári jaqsy bolady, tynyshtal, bári oidaǵydai bolady" dedik. Seriktesimmen birge onyń oiyn basqa jaqqa aýdara bastadyq. Yńǵaily sátte men onyń qolynan ustap, seriktesimmen birge qorshaýdan shyǵardym", - dedi Almaty qalasynyń patrýldik politsiia inspektory Eldos Aidosov.
Kópirdegi adamnyń oǵash áreketin birinshi jaqyn mańdaǵy biznes-ortalyqtyń kúzetshisi baiqaǵan. Ol dereý politsiia men qutqarýshylarǵa qońyraý shalyp, sodan keiin kómekke júgirdi. Er adam úmitin úzgen almatylyq áielge kedergi keltire bastaǵan.
Osy sátte kópir janynan ótip bara jatqan patrýldik politseiler kóp adamdy baiqap, kópirge toqtady. Olar ýaqytynda úlgergen. Politseiler qyzdy tynyshtandyryp, politsiia bólimine jetkizdi. Onda psihologtar áielmen sóilesip, sodan keiin ony ata-anasyna tapsyrdy.
