Almatynyń bastapqy turǵyn úı naryǵynda qazan aıynda páter quny qyrkúıekpen salystyrǵanda 2,9%-ǵa ósti, dep habarlaıdy Dalanews.kz DataHub-qa silteme jasap. 

Mundaı jaǵdaı sońǵy jyldary sırek tirkelgen – 2015 jyldan beri baǵalardyń budan joǵary qarqynmen ósýi bar bolǵany jeti ret baıqalǵan.

Qaladaǵy ekinshi naryqta da ósim tirkeldi – bir aıdyń ishinde baǵalar 2,1%-ǵa kóterilgen. Sarapshylardyń aıtýynsha, bul segmentte baǵa onsyz da belsendi túrde qymbattap keledi. Qańtar-qyrkúıek aralyǵynda qaıta satý naryǵynda páterler aı saıyn orta eseppen 2%-ǵa ósip otyrǵan. Sonymen qatar, jaldaý aqysy da 1,7%-ǵa qymbattap, ótken jyldardaǵy kórsetkishterden joǵary nátıje kórsetti.

Al Astanada kerisinshe jaǵdaı turaqtaldy. Qaladaǵy bastapqy jáne qaıtalama naryqta baǵa ózgermegen, degenmen qazan aıynda jaldaý aqysy 0,5%-ǵa ósken.

Sarapshylar Almatydaǵy baǵanyń sharyqtaýyn joǵary suranyspen jáne jańa turǵyn úı jobalarynyń shekteýli usynysymen baılanystyrady.