«Jumyspen qamtý jol kartasy» baǵdarlamasy jáne Almatyda ınfraqurylymdyq jobalar qurylysy sheńberinde osy jyly jergilikti qamtý úlesin 90%-ǵa deıin ulǵaıyp, 101 ınfraqurylymdyq jobany iske asyrý josparlanǵan, – dep habarlaıdy Dalanews.kz Almaty qalasy kásipkerlik jáne ınvestısıalar basqarmasynyń baspasóz qyzmetine silteme jasap.

«Jumyspen qamtýdyń jol kartasy» baǵdarlamasy boıynsha jalpy somasy 15,7 mlrd teńgege 5 joba iske asyp jatyr, onyń ishinde qurylys materıaldaryn satyp alýǵa 9,8 mlrd teńge kózdelgen. 1 shildedegi jaǵdaı boıynsha 6,1 mlrd teńge ıgerildi. Satyp alýdaǵy jergilikti qamtý úlesi 94,2%-dy qurady.

QMJ (qurylys-montajdaý jumystary) jobalary boıynsha 103,2 mlrd.teńge somasyna 96 joba iske asyp jatyr, onyń ishinde materıaldardy satyp alýǵa 48,9 mlrd teńge kózdelgen. 1 shildedegi jaǵdaı boıynsha 4,7 mlrd teńge ıgerildi. Jergilikti qamtýdyń úlesi 88%-dy qurady.

Búgingi kúni jergilikti qamtýdy baqylaý komısıasynyń 24 otyrysy ótkizildi. Budan basqa, jumys toby turaqty negizde qurylys-montajdaý jumystaryna monıtorıń júrgizip jatyr.

Jergilikti qamtýdy baqylaý jónindegi komısıa Almaty qalasy Kásipkerler palatasynyń óńirlik keńesimen birlesip «almatylyq óndirýshiler» pýlyn qurý jáne óndirýshilerdiń problemalary men naqty júktemesin anyqtaý úshin óndiriske birge kórý jumystary týraly sheshim qabyldady. Búgingi tańda jumys toby 13 otandyq kásiporynǵa bardy. Ekinshi jartyjyldyqqa kásiporyndardan taýarlarǵa áleýetti tapsyrys berýshiler pysyqtalyp jatyr.