Almatydaǵy jekemenshik mektepterdiń biriniń oqýshysy qaitys bolýyna bailanysty qylmystyq is qozǵaldy, dep habarlaidy Dala News.
Qalalyq politsiia departamentiniń málimetinshe, is Bostandyq aýdandyq politsiia basqarmasynda tirkelgen. Qazir oqiǵanyń sebepteri men mán-jaiy anyqtalyp jatyr.
Aldyn ala derek boiynsha, tergeý Qylmystyq kodekstiń 105-baby — «Ózin-ózi óltirýge deiin jetkizý» boiynsha júrgizilýde.
Bilim berý mekemesi qaiǵyly jaǵdai mektep aýmaǵynan tys jerde bolǵanyn málimdep, marqumnyń otbasyna kóńil aitty. Sonymen qatar, mektep tarapynan qajetti qoldaý kórsetilip jatqany aityldy.
Politsiia tergeý jalǵasyp jatqanyn jáne barlyq jaǵdai jan-jaqty tekseriletinin habarlady.
