Almaty metropoliteni 26 qańtar kúni tańerteń qaladaǵy metronyń nelikten jumys istemegenin túsindirdi, dep habarlaidy Dalanews.kz.
Áleýmettik jelide metro mańyna jinalyp qalǵan adamdardyń videosy tarady.
“Tańǵy saǵat 7:30-da metro jumys istemedi, kóp adam jinaldy. Sebebin bilmeimin”, - dep jazdy jeli qoldanýshy.
Almaty metropoliteni jaǵdaidy túsindirdi.
26 qańtar tańǵy ýaqytta Raiymbek beketinde aqparattyq bailanys jelisiniń jumysynan aqaý tabylýyna bailanysty metro poiyzdary qolmen basqarý rejimine aýystyryldy.
”Osy oraida barlyq beketterde poiyzdardyń júris intervaly ýaqytsha uzardy. Bul metrodaǵy júrý qaýipsizdigine esh áser etken joq. Mamandar jumys jasap, kóp uzamai úirenshikti interval qaita qalpyna keldi. Qolaisyzdyq úshin keshirim ótinemiz”,- dep habarlady metropoliteninen.
