Almatyda mekteptegi is-sharadan keiin balalar ýlanyp qalǵan, dep habarlaidy Dalanews.kz.
Almaty qalasy Bilim basqarmasy ókili mán-jaidy aitty.
"9 aqpanda Almaty qalasyndaǵy №199 mamandandyrylǵan gimnaziianyń akt zalynda mádeni is-shara ótkizý barysynda sahnalyq tútin generatory qoldanylǵan. Ony paidalanǵannan keiin birneshe oqýshy jótelý jáne kózden jas aǵý túrindegi jaisyzdyqty sezingen", - dedi vedomstvo ókili.
Gimnaziia ákimshiligi qajet sharalardy jedel túrde qabyldaǵan: meditsinalyq qyzmetker balalardy tekserip, jedel járdem shaqyrǵan.
"Almaty qalasynyń Balalarǵa arnalǵan shuǵyl meditsinalyq kómek ortalyǵyna 12 jastaǵy 6 bala ýlaný belgilerimen jetkizildi. Barlyq bala toksikologiia bólimshesine jatqyzyldy. Jaǵdailary ortasha aýyr, turaqty. Densaýlyq saqtaý ministrliginiń diagnostika jáne emdeý hattamasyna sáikes tolyq kólemde em qabyldap jatyr", - dep jazylǵan habarlamada.
Bul oqiǵa boiynsha qyzmettik tekseris júrgizilip, mektepte tútin generatoryn paidalanýǵa jol bergen pedagog tártiptik jaýapkershilikke tartylǵan.
"Ulttyq saraptama ortalyǵynyń mamandary aýa synamalaryna zertteý júrgizgen. Zertteý nátijeleri týraly qosymsha aqparat beriledi. Qazir gimnaziiada jappai is-sharalar ótkizý kezinde qaýipsizdik talaptary saqtalýyna baqylaý kúsheitildi. Jaǵdai mektep ákimshiligi men Bilim basqarmasynyń baqylaýynda", - dep jazylǵan habarlamada.
