Almatydaǵy turǵyn úi keshenderiniń birinde kúzetshini aiaýsyz soqqyǵa jyǵyp, óltirgen er adamǵa sot úkimi shyqty, dep habarlaidy Dalanews.kz.
Oqiǵa byltyr bolǵag. Jol talǵamaityn kólik júrgizýshisi kúzetshini birneshe ret qaqqannan keiin soqqyǵa jyqqan, tipti basynan sekirip, aýyr jaraqattaǵan. Bul áreketi beinebaqylaý kamerasyna túsip qalǵan. Jábirlenýshi aýyr hálde aýrýhanaǵa jetkizilgenimen, esin jimastan qaitys bolǵan.
Qylmystyń sebebi — kúzetshiniń turǵyn úi kesheniniń aýlasynan ashýly júrgizýshini ata-anasynyń ótinishimen shyǵarmai qoiýy. Qoǵamda úlken rezonans týdyrǵan oqiǵa kezinde BAQ kúdiktiniń burynǵy depýtattyń uly ekenin jazǵan edi.
Sot kúdiktini Qylmystyq kodekstiń 99-baby 2-bóliginiń 5-tarmaǵy (asa qatygezdikpen kisi óltirý) jáne 147-babynyń 5-bóligi (jeke ómirge qatysty aqparatty ruqsatsyz taratý) boiynsha kináli dep tanyp, 22 jylǵa bas bostandyǵynan aiyrdy.
Sottalǵan adam – Asqar Tastandiev. Ol – Joǵarǵy keńestiń XIII shaqyrylymynyń depýtaty ári Taldyqorǵan oblysy prokýrorynyń aǵa kómekshisi bolǵan Salamǵazy Tastandievtiń uly.
