Almaty ákimshilik polısıasynyń málimetinshe, «Saıaly» móltek aýdanyndaǵy №1 mamandandyrylǵan HQKO-da respýblıka deńgeıi boıynsha alǵash ret Reseıden Qazaqstanǵa ákelingen kólik tirkeldi.
Kóligin tirkegen - 37 jastaǵy almatylyq Vladımır Baev. Ol Renault markaly kóligin tirkegen eken. Kólik qojaıynyna sary tústi tirkeý belgisi berilgen.
Esterińizge salsaq, 1 aqpanda Qazaqstanda EAEO elderinen ákelingen kólikterdi ýaqytsha tirkeý boıynsha aksıa bastalǵan bolatyn. Aqpanda eldegi barlyq mamandandyrylǵan HQKO demalyssyz jumys isteıdi, biraq jeksenbide tek kólikti ýaqytsha tirkeýdi rásimdeıdi.
