Almatyda koronavırýs juqtyrǵan naýqasty dárigerler jasandy tynys alý qurylǵysyna qosty.

Bul týraly brıfıńide Almaty qalasy Densaýlyq saqtaý basqarmasynyń basshysy Tileýhan Ábildaev aıtty dep habarlaıdy Dalanews.kz 

Almatyǵa ázirgi ýaqytta koronavırýs juqtyrǵan adam sany 40-qa jetti. Solardyń biri aýrýy asqynýyna baılanysty jasandy tynys alý qurylǵysyna qosylǵan.

"Bir naýqastyń jaǵdaıy múshkil. Dem alysy aýyrlaı bastaǵandyqtan jasandy tynysy alý apparatyna qosýǵa májbúr boldyq.

Naýqas 1956 jyly týǵan. Budan buryn sozylmaly obstrýktıvti ókpe aýrýyna shaldyqqan" – dedi Almaty qalasy Densaýlyq saqtaý basqarmasynyń basshysy.

Aıta ketelik Qazaqstandaǵy koronavırýs boıynsha 26 naýryzdaǵy 21:00-degi jaǵdaı:

Koronavırýs indetin juqtyrǵan taǵy 2 adam Qaraǵandy qalasynda tirkeldi.

Osy saǵatta Nur-Sultan qalasy boıynsha 61 adam,

Almaty qalasynda – 40 adam,

Qaraǵandy qalasynda –  4 adam,

Shymkent qalasynda – 2 adam,

Almaty oblysynda – 1 adam,

Aqtóbe oblysynda – 1 adam,

Jambyl oblysynda -1 adam,

Soltústik Qazaqstan oblysynda – 1 adam

Ázirge jalpy sany 111 naýqas tirkeldi.